觀塘工廈內美食森林 ❤ 魔膳廚房 MS KITCHEN

最近老公愛上觀塘購物， 所以多咗觀塘 覓食， 今次搵到係觀塘廣場對面嘅魔膳廚房食返個溫馨晚餐。 獨立樓梯上二樓， 沿住樓梯上去除咗大大個餐牌外， 仲有好得意又特別嘅壁畫。 上到去就係一個森林入口喇。

 

走入森林裝修細緻， 坐低後因為好肚餓， 所以睇餐牌叫野食. 

 

 

魔膳廚房有個小型沙律吧， Dinner Set可以加$38 就任食沙律吧， 沙律吧款式都唔少， 而且都新鮮， 仲有生果㖭。 

餐湯我地各叫一款， 最愛呢個餐包， 暖暖的， 軟軟的， 很好食。紅湯白湯2款都好味， 但我地覺得白湯茹味濃郁香滑， 更勝一籌。 

 

主菜選擇了 [墨西哥香辣豬肋骨配芝士焗瘋薯] 跟 [香煎帶子黑松露意大利飯] 。 大大條豬肋骨煮到啱啱好， 骨肉容易分離， 醬汁濃郁帶少少辣， 但個人覺得略為偏酸。 薯角配上芝士煙肉好香口， 最後食埋燒菠蘿就可以解膩。 

 

意大利飯一向都係我至愛，呢個金菇天婦羅好味呀， 加上蟹子黑松露味道更特出。 

 

 

 

 最後餐飲就選了玫瑰蜜花茶同冰檸茶， 粒粒玫瑰花芳香順喉， 飯後飲好舒服。 滿足嘅一餐。

 

 

 

魔膳廚房 MS KITCHEN

觀塘開源道77號業發大廈一期2樓D室

電話號碼 : 39551460 / 39551461

 

~~~~~~~~~~~~~

 

多謝大家收睇, 如果鍾意我嘅分享就快d follow 我啦, 下次見

歡迎邀約合作試用/試做 ~ 出席活動 ~ 聯絡 ~ 

msceliabeaute@gmail.com

 

Facebook : 西莉亞•美麗生活部落 MsCelia Life

Instagram :  MsCeliaBeaute

 

 

 

☆☆☆☆☆☆☆

是次產品及資料由品牌提供,  文章純粹以個人意見真心分享及用後應,

而效果則因人而異, 只供參考.

如需協助或希望獲得更多有關產品資訊, 請直接聯絡該品牌查詢。

如從而引起任何損失或法律糾紛，本人概不負責。

☆☆☆☆☆☆☆

 

 

太子嘅 “維多利亞” 浪漫西餐廳 ~ Victoria Restaurant

 
Happy Friday 收工同老公行到呢條街就俾呢張枱一張凳同滿滿嘅餐牌吸引住。


 
以溫暖嘅木為主嘅裝潢， 以船做主題嘅西餐廳。 坐位又闊落， 餐廳播放住輕輕嘅懷舊音樂， 絕對係同情人 、閨蜜傾計談心嘅好地方。


 
坐低咗服務員就遞上餐牌同當日嘅廚師推介， 滿滿嘅餐牌真係花多眼亂， 樣樣都好吸引咁。 最後我地決定點二人餐， 唔好以為二人餐唔使諗呀， 都要揀㗎。


 
先嚟個頭盤， 我都選擇咗”黑椒半燒薄切鮮吞拿柳”, 吞拿柳用黑椒包住半燒， 香香嘅黑椒味， 半熟嘅吞拿柳新鮮好腍， 入口融化， 配新鮮嘅沙律菜令胃口大開。 跟住係”扒珍寶鮮帶子佐黑松露菌忌廉汁青露筍”, 露筍一睇顏色就知新鮮， 隻帶子真係好大粒又厚， 一試難忘。 


 
餐湯係”意大利牛肝菌泡沫忌廉湯”, 忌廉好 creamy, 淡淡嘅牛肝菌香味係我至愛。 配上4款麵包， 除咗牛油外仲有車打芝士醬。


 
主菜我地要”黑安格斯肉眼扒佐黑松露燒” , 一放低已經聞到好香嘅黑松露香味， 大大塊嘅肉眼扒煎得啱啱好， 切開粉粉的， 但肉質好腍而且牛肉味真係好濃。


 
另一款主菜係我鐘意食嘅 ” 扒珍寶大啡菇配牛肝菌意大利燉飯黑松露汁”, 本身大啡茹嘅茹味真係好正， 而且大大隻吸哂 d黑松露汁， 茹味同黑松露味真係好夾， 成個Risotto嘅味道都好濃厚， 層次好多。


 
二人餐仲有甜品 “cheese cake” 同餐飲，cheese cake食到有少少柚子嘅味道， 唔太甜。

 
呢個餐嘅份量真係好多， 食完真係好飽。 以環境食物都值得再試呀。
 
Victoria Restaurant
地址:  太子太子道西150-152號太子商業大廈地下B3號舖
電話 : 2390 2855

~~~~~~~~  

多謝大家收睇, 如果鍾意我嘅分享就快d follow 我啦, 下次見

歡迎邀約合作試用/試做 ~ 出席活動 ~ 聯絡 ~  
msceliabeaute@gmail.com

Facebook : 西莉亞•美麗生活部落 MsCelia Life  
Instagram :  MsCeliaBeaute
 
Facebook Fan Page 送禮中, 快 d 去我嘅專頁Like 同 Share 俾朋友知啦! 請多多支持喔!

 
 
☆☆☆☆☆☆☆
以上純粹個人感受及分享
如需協助或希望獲得更多有關產品資訊, 請直接聯絡該品牌查詢。
如從而引起任何損失或法律糾紛，本人概不負責。
☆☆☆☆☆☆☆