銅鑼灣 親子• 桌遊• 電玩• 悠閒樓上咖啡店 ~ 薯仔屋

難得朋友放假， 緊係約埋去行街 shopping 啦， 係利舞臺行街行到攰攰哋， 同朋友想搵個地方傾吓計， 休息吓。 行吓行吓行到新會道見到呢間樓上 cafe, 親子• 桌遊• 電玩！ 銅鑼灣出名多樓上咖啡店， 其實都成3點喇, 一於上去食個下午茶先。
上4樓一出見到簡簡單單嘅門口， 殊不知一開門就好似入咗玩具展覽咁， 而且 d 玩具係小時間嘅玩意㖭， 大大個足球枱， 遊戲機， 玻璃櫃裏面嘅模型， 飛鏢， 漫畫， 大富翁等等， 仲有個小型 baby corner, 大人可以談天， 小朋友可以玩個痛快， 果然係親子桌遊電玩吓。

我地搵咗個舒服嘅位置坐低咗， 服務員就遞上下午茶嘅餐牌俾我地，都幾多選擇喎,  我地叫咗2個 set share 食。

柔和嘅音樂再加上舒服嘅梳化， 真係有 d 想瞓 (太似家的感覺喇) , 好快服務員就整好我地想要嘅特飲喇 (因為行到又倦又口渴). 我要嘅係絕妙尤物， 其實係水蜜桃+乳酸+ 果凍粒。 朋友就要西岸風情， 西柚+ 乳酸+ 果凍粒。 一 d 都唔甜， 味道啱啱好， 果凍粒都幾多， 好飲呀。

下午茶 Set 我地係叫咗加拿大肉醬鋪天薯條 再加煙肉片， 加上大大條薯仔， 新鮮炸起配香濃嘅芝士同肉醬。
 
另外就係吞拿魚長通粉沙律， 因為我唔食洋蔥， 特意叫服務員幫我走洋蔥都能做到， 太好喇， 出面好多都走唔到㗎。 行到熱辣辣食沙律就最好喇， 沙律醬酸酸甜甜， 長通粉軟硬啱啱好。

Cafe細細， 但佈置特別， 而且有家嘅感覺， 所以坐得、食得好舒服。 可以隨便玩、隨便睇、隨便坐， 真係好啱一家大細， 閨蜜， 情侶， 好友嚟開 party或者談天㗎。


薯仔屋 Small Potato
地址: 銅鑼灣新會道4號4樓
電話 : 2890 4884
~~~~~~~~~

多謝大家收睇我嘅分享，下次見

歡迎邀約合作試用/試做 ~ 出席活動 ~ 聯絡 ~

msceliabeaute@gmail.com

Facebook : 西莉亞•美麗生活部落 MsCelia Life
Instagram :  MsCeliaBeaute

Facebook Fan Page 送禮中, 快 d 去我嘅專頁Like 同 Share 俾朋友知啦!

請多多支持喔 

☆☆☆☆☆☆☆
以上純粹個人感受及分享, 並不代表該品牌之言論及立場
☆☆☆☆☆☆☆

不一樣而有驚喜嘅Fusion素菜 ~ 波羅密素食

夏天咁熱, 一班朋友約食飯真係唔知食咩好, 難得有人提議想食得健康d, 就係咁就決定去食素菜, 一向少食素嘅我心諗應該都係d 傳統素食啦!!  都係離不開酸齋呀， 芋頭鴨呀， 羅漢齋呢 d.  點知上到去波羅密睇睇個菜單， 嘩…. 點解咁嘅， 哈哈~~    第一次嚟波羅密都係 d比較 old style嘅老店， 但又估唔到佢地加入 Fusion 嘅菜式喎. 


坐低不久服務員就遞上兩壺菊花茶， 淡淡嘅菊花茶味， 清新解渴。  等我話你知食咗 d 咩啦


椰香養顏滋潤燉湯 ~~  用椰子水連同新鮮嘅椰子肉、 桃膠、雪蓮子、桂圓肉、腰果、 竹笙同草菇等等嘅材料一齊燉， 清甜可口， 絕對係有滋潤養生嘅功效。

牛油果蔬菜沙律 ~~ 呢個沙律除咗用新鮮嘅番茄， 牛油果同紅肉火龍果之外， 諗都諗唔到係配搭埋黑醋一齊食， 黑醋嘅酸甜引出水果嘅味， 感覺好特別但又好好食喎。
 

香脆素乳豬件 ~~ 呢個乳豬係要同我最鐘意嘅片皮鴨嘅方式去食， 一片薄餅皮 + 一件素乳豬 + 一束紮好嘅青瓜西芹紅椒 + 喜愛嘅海鮮醬 一齊包嚟食， yummy.   呢年素乳豬好有"肉" 嘅口感。  如果鐘意食辣嘅可以加上整成太極款嘅孜然粉同麻辣粉 (我唔食辣所以一定唔會試)。
  .

香烤黑松露白靈菇 ~~ 廚師好有心思咁把成個擺盤好似一幅畫咁， 大家一見到已經嘩嘩聲好靚呀。  白靈茹我都唔記得之前有無食過， 但佢嘅味道再加上黑松露真係好夾， 配合幼嫩爽脆嘅露筍， 真係好好味。

韓式風沙蔬菜卷 ~~ 開頭睇到都諗唔係日式天婦羅咩， 點解係韓式呢？ 原來係加咗韓國紫菜。  蔬菜卷雖然係油炸， 但一 d油感都無， 好乾爽好脆身， 包住 d茹呀， 豆呀， 茄子等唔同口感嘅蔬菜， 食起嚟都好得意。

川式鴛鴦口水雞 ~~ 呢個係佢地嘅招牌菜， 真係估唔到素菜都有四川麻辣風味， 聽說呢個口水雞都分咗3種做法， 猴頭菇、豆腐、大豆纖維嚟做出3種"假雞件",   好有誠意喔， 我唔食辣都輕輕咬咗一啖， 真係好似雞㗎， 但呢一啖都可以 feel到呢個麻辣嘅威力。


原隻素鮑魚扒菜膽 ~~ 呢個素鮑魚真係做先好似好似， 原來係用 蒟蒻嚟做㗎， 食落好爽味道都好似真嘅飽魚味。  擺盤實在太靚啦， 第一時間影相呃 link啦。

百味香飯 ~~ 這個炒飯太勁喇， 一 d油淋淋嘅感覺都無，好乾身， 好多中菜都未必做到， 除咗毛豆外， 仲用咗巴西嘅蘑菇醬一齊炒， 跟住飲面灑上白芝麻同素瑤柱， 令到個飲更加香。  
甜品 ~~ 無諗住素菜館會以果凍嚟做甜品， 清新嘅玫瑰花/桂花嘅味道。  令口腔有清新嘅感覺。


以前俾我感覺食素係唔會飽嘅， 每次食完出門口已經感到肚餓， 但呢一餐真係食得好飽好飽， 下次一班朋友搵食嘅話， Fusion素食絕對可以一試。


波羅密素食 (尖沙咀)  Paramita Vegetarian Restaurant
尖沙咀彌敦道180號寶華大廈2樓
電話號碼 : 2736 3939 / 2736 3989

荔枝角長義街9號D2 Place一期3樓302舖
電話號碼 : 23712208

~~~~~~~~~

多謝大家收睇我嘅分享，下次見

歡迎邀約合作試用/試做 ~ 出席活動 ~ 聯絡 ~

msceliabeaute@gmail.com

Facebook : 西莉亞•美麗生活部落 MsCelia Life

Instagram :  MsCeliaBeaute

Facebook Fan Page 送禮中, 快 d 去我嘅專頁Like 同 Share 俾朋友知啦!

請多多支持喔 

☆☆☆☆☆☆☆

以上純粹個人感受及分享, 並不代表該品牌之言論及立場

☆☆☆☆☆☆☆

定點 1064 祛斑美白療程 @ TM Plus Beauty Centre

夏天一到, 沙灘, 船P嘅水上活動真係點少得呢.  不過點搽防曬 d斑斑都出哂嚟.    雖然夏天未完, 都係要做返 d去斑 treatment幫幫佢啦.  早前去咗尖沙咀嘅 TM Plus Beauty Centre 做咗 <1064祛斑療程> .    
 
天氣太熱了, 行一陣都已經出哂汗, TM Plus 好細心為每位顧客提供私人儲物櫃, 就算 shopping完大包細包都可以放係私人 locker裡面, 咁就可以舒舒服服咁享受treatment 啦.  治療師先俾杯花茶我休息吓, 並且詳細介紹療程細節, 因為係做激光療程關係, 所以雖要簽署同意書先可以進行療程㗎, 當然細心治療師會講解返注意事項啦. 
 
房間簡潔舒適，  呢部 PTP 1064 激光祛斑儀就等緊我喇， 治療師先清潔好我嘅皮膚就開始喔！

TM Plus 選用嘅PTP 1064 激光祛斑儀特點是具有雙子脈衝光技術 (PTP Mode), 傳統激光只可1發1能量, 但雙子脈衝係可分拆為2次Twins Pulsed發放.  係能量相同和兩次釋出時間相若嘅情況下, 就能準確對付頑固的深層色素細胞, 更可把創傷減至最低, 大幅減少反黑和疼痛的情況.  

成個激光祛斑療程過程共有3個循環過程 : 

第一個循環 治療師用祛斑儀全面喚醒肌膚.  感覺有d 溫度, 暖暖地好舒服. 

第二個循環 都係全面掃斑, 主要擊退黑色素, 收細毛孔, 治療師話會有吉吉地嘅感覺, 但我又唔係好 feel 到喎, 哈哈~~  

第三個循環 就集中色斑位置刺激膠原蛋白重生, 嫩滑肌膚.  呢個感覺就大好多啦,  除咗有吉吉地嘅感覺之外, 仲好似有d 橡根彈彈咁, 但又唔可以話痛囉.   

 
最後治療師會做返修眉同針清, 之後會為我敷上 Collagen Mask 舒緩同保濕.  
 
完成之後可以到大大嘅休息化妝間梳洗, TM Plus 裝修以白色為主, 而且地方乾淨簡潔, 休息間仲有餅乾花茶同雜誌可以享用, 而化妝間有各種個人護理用品提供, 咁做完都可以慢慢打扮靚靚出街啦, 絕對係細心嘅.  
叱
以前嘅激光俾人感覺好熱好痛, 但今次成個過程舒服冇痛楚.  d 斑淺咗, 皮膚白咗, 而且做完皮膚無泛紅, 仲可以即刻出街見人. 
 
提提大家做完激光之後皮膚都會乾d 㗎, 所以記得做返多d 保濕同搽防曬喔!!
 
<1064祛斑美白療程>  試做優惠 $288 

TM PLUS Beauty Centre
尖沙咀漆咸道南金馬倫中心9樓全層
Tel : 2367 9911
https://www.facebook.com/TMPlus.Beautycentre/

~~~~~~~~~

多謝大家收睇我嘅分享，下次見

歡迎邀約合作試用/試做 ~ 出席活動 ~ 聯絡 ~
msceliabeaute@gmail.com

Facebook : 西莉亞•美麗生活部落 MsCelia Life
Instagram :  MsCeliaBeaute

Facebook Fan Page 不定時推出優惠同送禮, 快 d 去我嘅專頁Like 同 Share 俾朋友知啦!

請多多支持喔! 

☆☆☆☆☆☆☆
是次產品及資料由品牌提供

文章純粹以個人意見真心分享及用後應,  而效果則因人而異, 只供參考.

如需協助或希望獲得更多有關產品資訊, 請直接聯絡該品牌查詢。
如從而引起任何損失或法律糾紛，本人概不負責。
☆☆☆☆☆☆☆

韓國 HIFU溶脂 定位 瘦身 減肥 ~ Le Domes

以前係寫字樓返工, 坐得多肚皮0個d脂肪真係………….
其實佢地住咗咁耐都係時間釋放返d 出嚟啦!!!!
嚟到Le Domes, 一出就好似進入咗個歐洲童話世界,  好靚嘅 welcome decoration.
Le Domes Beaute 自創立以來一直抱著「專業為您」, 為客人提供全方位專業美容及纖體服務.  同時亦引入歐美、韓國等地嶄新科技儀器, 大部分均獲美國FDA、韓國KFDA或歐盟CE國際安全認證, 以最安全及合適的療程, 為客人帶來最理想的效果.  

今次嚟到Le Domes 做嘅係 < Hifu 磁能定位溶脂療程> , 特別設計嘅瘦身加強版, 以第三代HIFU瘦身溶脂再配合磁能定位瘦身療程, 超越HIFU, 加速瘦身效果, 不反彈.  
Hifu功效:
》針對肥胖，達到溶脂及收緊效果
》將脂肪細胞破壞及溶解，經淋巴排出體外
》刺激膠原蛋白再生
》周遭組織以及肌膚不會有任何損傷

柔和加上輕音樂嘅房間, 就見到今日要做嘅 第三代 HIFU【Ultraformer III】等緊我啦.  
【Ultraformer III】5大溶脂瘦身優勢：
1. 國際認可驗證   Ultraformer III榮獲韓國KFDA及歐盟CE驗證
2. 溶脂+收緊  超越傳統抽脂，同時有溶脂+收緊效果，產後修身，改善鬆弛，效果顯著
3. 全球專利HIFU 9MM探頭  專用的6mm、9mm及13mm探頭，其中9mm更獲全球專利
4. 專利特闊HIFU線條探頭  專利特闊HIFU線條探頭每1次可發射出比一般HIFU機，增加8倍治療覆蓋面的HIFU線條
5. 效果顯著，不易反彈  一次療程，即見明顯效果，之後正常飲食及運動，不易反彈，不須長期做療程


開始時先將Hifu 專用啫喱搽落身體, 因為HiFu會釋出熱力, HiFu Gel 可以有效減低溫度及保護皮膚.

治療師以13mm探頭由我嘅腰部開始到肚子中央, 以前聽講話HiFu 好熱好痛, 但過程中我只係聽到一d 好似機關槍嘅聲音, 間歇性感到吉吉地, 暖暖地之外, 無任何唔舒服嘅感覺喎. 

做咗半邊我0個舊豬腩肉細咗喇!!

跟住治療師再用日本YAMAN Fit Magic Plus 【磁穴魔術手】即時燃燒卡路里及加速身體燃燒脂肪. 

再用微電流磁穴棒疏通身體經絡, 提升身體新陳代謝, 促進全身淋巴循環, 加速身體燃燒脂肪, 舒緩淋巴腫脹、排水、排毒、收緊提升.  無痛咁通淋巴減肥, 排毒去水腫顯著, 快速提升線條

以 13mm探頭足足打咗602線係我個腰同肚嘅位置

短短60分鐘嘅療程我條腰足足瘦咗成吋喔,  個肚明顯平咗.
 
其實我係無做過HiFu (包括面), 仿間嘅HiFu療程太多, 價錢不一, 成效不一.  感覺不一. 
但Le Demos Beaute Hifu 的確係有效果.  真係可以瞓住嚟瘦呀. 

第三代 HIFU【Ultraformer III】有效擊退脂肪, 收緊提升線條.  但要做到雙倍效果, 雙倍纖瘦, 便要在HIFU溶脂後配合日本YAMAN Fit Magic Plus, 利用微電流及磁能, 疏通經絡, 加速新陳代謝, 促進全身淋巴循環, 有效排走被HIFU破壞的脂肪, 增加皮膚彈性, 使HIFU 的效果倍增, 馬上回復最佳既體態.  
大家有興趣呢個《Hifu 磁能定位溶脂療程》可以去到 Le Domes Beaute 以下網址睇下優惠只需 $998 起
http://ledomes.com/ultraformer-iii-hifu溶脂優惠/
http://ledomes.com/日本yaman【磁穴魔術手】-瘦身優惠/

Le Domes Beaute
尖沙咀金馬倫道12號恒信商業大廈16樓全層
電話 : 3160 8484
Website: http://www.ledomes.com.hk/
Facebook:
https://www.facebook.com/EnlightHealthAndBeautyCentre

~~~~~~~~~
多謝大家收睇我嘅分享，下次見

歡迎邀約合作試用/試做 ~ 出席活動 ~ 聯絡 ~
msceliabeaute@gmail.com

Facebook : 西莉亞•美麗生活部落 MsCelia Life
Instagram :  MsCeliaBeaute
Facebook Fan Page 不定時推出優惠同送禮, 快 d 去我嘅專頁Like 同 Share 俾朋友知啦!

請多多支持喔! 

☆☆☆☆☆☆☆
是次產品及資料由品牌提供

文章純粹以個人意見真心分享及用後應,  而效果則因人而異, 只供參考.

如需協助或希望獲得更多有關產品資訊, 請直接聯絡該品牌查詢。
如從而引起任何損失或法律糾紛，本人概不負責。
☆☆☆☆☆☆☆