2018年11月22日 星期四

太古Aeon Food Court 內嘅東京拉麵 ❤ 誠拉麵 Makoto Ramen

住在港島東都落太古嘅Aeon買野, 經過超市隔離嘅Food Court發現有間新拉麵店進駐 ~ 誠拉麵。
以吧枱坐位圍住日本拉麵店開放式廚房設計, 可以睇到煮麵嘅過程。
 
拉麵主打四款 ~ 「白」「黑」 「赤」「味噌」, 另外仲有豚骨魚介沾麵。
 
 
跟老公叫了「黑」「味噌」配都加$22 套餐。套餐除了拉麵外, 另可選叉燒丼或餃子及汽水。
 
我就叫咗「黑」• 豚骨拉麵, 食拉麵一嚟緊係飲啖湯先啦, 黑蒜加上豚骨湯底味道夠濃郁, 幼身拉麵比較腍身, 叉燒肥瘦適中, 都算幾大塊, 愛食溏心蛋嘅我另追加多半隻, 超好食, 由於誠拉麵選用日本雞蛋, 所以有濃濃嘅蛋味, 流心口感超完美。
 
老公就選了「味噌」 豚骨味噌拉麵, 奶白色嘅豚骨湯底加味噌, 唔會好鹹, 但有好多骨膠原, 拉麵內有紫菜、芽菜、蔥、半隻溏心蛋、叉燒2片、荀絲(老公唔食所有沒有加) 。 其實一碗份量都幾多。
 
套餐選了餃子, 有三隻餃子皮薄, 但個人覺得唔夠熱, 而且可以再煎得再脆d。
 
唔夠味咩, 誠拉麵仲有芝麻 、 辣菜脯同 蒜蓉俾你加落拉麵內。
整體係Food Court嚟講都算唔錯, 下次要再試吓佢地嘅沾麵。
 
太古康山道1-2號康怡廣場南座AEON地舖
 
~~~~~~~~~~~~~
 
多謝大家收睇, 如果鍾意我嘅分享就快d follow 我啦, 下次見
歡迎邀約合作試用/試做 ~ 出席活動 ~ 聯絡 ~ 
msceliabeaute@gmail.com
 
Instagram :  MsCeliaBeaute
 
 
☆☆☆☆☆☆☆
是次產品及資料由品牌提供,  文章純粹以個人意見真心分享及用後應,
而效果則因人而異, 只供參考.
如需協助或希望獲得更多有關產品資訊, 請直接聯絡該品牌查詢。
如從而引起任何損失或法律糾紛,本人概不負責。
☆☆☆☆☆☆☆

2018年11月20日 星期二

磁叉通經絡 ~ 瘦身 • 養身 • 成身鬆哂 ❤ Yinensis 然淙養生文化館

做OL嗰時已經做到肩頸膊痛,主要我有d懷習慣, 久而久之d 肌肉就好酸痛。
所有一發現腰痛肩痛就要去按按先舒服, 以前都會去做吓按摩,
但有朋友話通經絡更有效用,  決定要試試。
心動不如行動, 早前就去咗旺角位於荷李活商業中心嘅 Yinensis 然淙養生文化館 做咗個 【磁穴深層通經絡瘦身療程】。

治療師先帶我入房間, 房間簡潔細細但足夠做經絡療程啦。  治療師了解咗我嘅問題, 由於我長期夜瞓,有嚴重水腫問題, 所以決定做2parts ~  肩背同腿。
換好衫趴上床, 治療師由我嘅肩背做起,  呢個療程係利用磁叉嘅滋力和血液中的鐵質產生牽引, 疏通身體嘅經絡穴位, 通經活絡運行氣血並且化淤更新, 有助保持經脈暢順, 活化人體細胞組織, 達到保健強身和提升免疫力之效。 促進血液循環, 增強新陳代謝, 脂肪就自然唔容易存在身體內, 以達到瘦身纖體之目的。


治療師唔使5分鐘, 已經同我講我肩頸好緊, 磁叉去到背部就完全見到我嘅疲勞指數有幾爆, 好似 "刮痧" 咁d [火] 出哂嚟。 但有疏通氣血經絡、活血化瘀及袪風散邪的效果。
治療師做咗半邊身其實都已經好明顯喇。


做完背部就到我嘅腿喇, 由大腿到小腿, 治療師都全方位專家手法推按 。 


當然我同你講唔痛你都唔信啦, 其實去到有d 位置都真係有d 酸痛㗎, 治療師話係因為淋巴位置塞咗,  通過香薰油同磁叉再配合按摩手法, 通咗就有去水腫功效, 人都會瘦咗㗎。 做完真係明顯無之前咁腫脹喎。  


完成哂2parts 真係成個人都鬆哂,  開始時係有d 痛, 但真係做完通咗就感覺好舒服,  加上聽住輕柔嘅音樂, 相信我做第二次時會瞓著覺, 哈哈。 
另外背部嘅紅印二日已經退哂喇。 
想了解多d 療程資料?    可以瀏覽佢地嘅網頁:
Yinensis然淙養生文化館
尖沙咀 / 觀塘旺角 
~~~~~~~~~~~~~
多謝大家收睇, 如果鍾意我嘅分享就快d follow 我啦, 下次見 !
歡迎邀約合作試用/試做 ~ 出席活動 ~ 聯絡 ~ 
msceliabeaute@gmail.com
Instagram :  MsCeliaBeaute
☆☆☆☆☆☆☆
是次產品及資料由品牌提供,  文章純粹以個人意見真心分享及用後應,
而效果則因人而異, 只供參考.
如需協助或希望獲得更多有關產品資訊, 請直接聯絡該品牌查詢。
如從而引起任何損失或法律糾紛,本人概不負責。
☆☆☆☆☆☆☆

2018年11月12日 星期一

全方位煥膚, 祛斑 ~ 回復年青肌膚 ❤ Obagi 【C™ Rx 抗氧去斑系列】

愛戶外活動(釣魚)嘅我,  面上嘅斑斑最令我煩惱。 
去斑防曬對我嚟講真係無分季節。
由9月開始轉用咗Obagi 【C™ Rx  抗氧去斑系列】。
用咗二個月真係有所改善, 係時間同大家分享吓。
Obagi 係美國銷量連續14年 No.1醫學美容品牌 。
 【C™ Rx 抗氧去斑系列】 更是市面上唯一同時糅合醫學成分對苯二酚及最強滲透維他命C的產品。
兩種成份發揮增效作用,能抵禦游離基的氧化作用,修護受損細胞,改善色斑問題,煥發年輕光澤。
而有去斑專家研究指出每種色斑都分佈在不同的肌膚皮層,清除的方法亦有不同。市面上眾多美白產品只含有粒子較大的單一美白活化因子,而粒子較大的美白成份會影響其滲透能力。
唯有Obagi 以專利Penetrating Therapeutic™ 滲透技術把產品醫學成份滲透至特定肌膚層,並同時解決面層及深層的色斑,令肌膚回復年輕透白。 皮膚白有邊個唔想呢? 
一套【C™ Rx 抗氧去斑系列】($3.300) 包括潔面啫喱, 去斑精華, 日霜, 晚霜 及 防曬霜 ,  等我一一介紹俾你地啦。
♦ C-Cleansing Gel 抗氧去斑潔面啫喱 180ml   (早晚使用)

含有左旋維他命C , 洋甘菊精華同蘆薈.   粉紅色嘅啫喱有淡淡嘅洋甘菊氣味, 令人有放鬆心情嘅感覺。  最愛佢加少少水打圈轉就有泡泡出嚟, 洗完塊面好清爽, 而且無繃緊感覺。 
♦  C-Clarifying Serum 抗氧去斑精華素  30ml (早晚使用)
唯一含4%對苯二酚及維他命C嘅全效精華素, 令精華素更容易深入皮膚真皮層,抑制黑色素細胞活躍,有效淡化色斑,  抵抗游離基就能防止肌膚老化。
每次用4滴左右, 搽上面部輕拍至吸收, 精華氣味有d 濃烈, 以油性但都容易吸收喎。 
♦  C-Exfoliating Day Lotion 抗氧去斑日霜 57ml (早上使用)
含有維他命C 醣甘及甘醇酸,  阻隔游離基侵害, 有效去除老舊角質,令肌膚更有效吸收護膚品精華 。
乳液水感好重又容易推開, 保濕度都幾高。 保持肌膚晶瑩剔透。
♦  C-Therapy Night Cream  抗氧去斑晚霜 57g (晚上使用)
全效抗氧去斑, 加強肌膚晚間新陳代謝,  阻止黑色素細胞過量產生, 有助色素脫落
晚間乳霜比較厚身, 搽上面會出現白色乳霜, 但慢慢感覺好似皮膚吸呀吸, 好快就變回自己膚色, 感覺好油潤,
♦  C-SunGuard SPF 50 抗氧去斑防曬霜 90ml  
含有美國FDA認可的防曬成份, 預防黑色素形成,阻隔UVA及UVB,免受紫外光侵害保持肌膚持續有光澤。 
白色乳液,  好creamy,  容易推開而且唔會泛白。  防曬四季都需要搽㗎, 跟一般防曬一樣擁有SPF50 , 但Obagi 建議每二小時就要搽一次防曬喇。 
由於 Obagi 【 C™ Rx 抗氧去斑系列】係含有果酸成份,用後皮膚會較乾,所以另外配合咗Obagi 全效保濕面霜 ( HK$460/48g) 使用。
♦  Hydrate Facial Moisturizers 全效保濕面霜  
以高效保濕鎖水技術 能高效保濕,為肌膚即時注入水份, 由於含有蘆薈精華,有助止癢退紅,持久舒緩乾躁現象, 特別適進行光學或果酸煥膚等療程之脆弱肌膚。
四重補濕, 即是注水, 長效鎖水, 由於煥膚程序皮膚會比較乾, 佢就可以幫我係過程中2小時注水8小時鎖濕喇。
使用方法其實都好簡單, 而且C™ Rx  盒內及瓶上都有顯示㗎 
早上 :  潔面啫喱 ⇒ 去斑精華  日霜   防曬霜  全效保濕面霜
晚上 :  潔面啫喱 去斑精華  晚霜  全效保濕面霜
最初期開始使用皮膚係明顯比較乾, 大約2星期左右就發現額頭同鼻翼有d 皮屑出現, 原來係老化角質層脱落, 係煥膚嘅過程之一, 當然我係那時段特別搽多d 全效保濕面霜啦。 
馨注意事項 :
使用Obagi C™ Rx 抗氧去斑系列時皮膚會乾,是煥膚程序之一 ;
而由於此產品含果酦成份,因此較容易皮膚敏感,準備或正在懷孕;餵哺母乳都不建議使用 ;
抗氧去斑系統 C™ Rx System 加速已形成之底層色斑推進至表層剝落。如中途停用,肌膚有機會停留於底層色斑中,所以必需完成整個試用療程,以退去所有底層色斑。
宜家都用咗差唔多2個月喇, 呢段時間我都有戶外活動啦, 但我嘅雀斑無加深, 反而淡咗, 相信係我好努力咁搽防曬霜有關, 而且明顯毛孔係細緻咗, 宜家皮膚無初期咁乾喇, 當然會keep 住用啦。 
 ♥♥   OBAGI 
是次產品由theZtyle.com/品牌提供
~~~~~~~~~~~~~
多謝大家收睇, 如果鍾意我嘅分享就快d follow 我啦, 下次見 !
歡迎邀約合作試用/試做 ~ 出席活動 ~ 聯絡 ~ 
msceliabeaute@gmail.com
Instagram :  MsCeliaBeaute
☆☆☆☆☆☆☆
文章純粹以個人意見真心分享及用後應,
而效果則因人而異, 只供參考.
如需協助或希望獲得更多有關產品資訊, 請直接聯絡該品牌查詢。
如從而引起任何損失或法律糾紛,本人概不負責。
☆☆☆☆☆☆☆