特色溫馨•旋轉木馬小Cafe ~ Cafe Paradise (太子)

係太子嘅朋友介紹呢個小小 cafe, 本身想 book 7:30 但已經 full哂, 只能 book 8:15pm, 心諗有無咁 full呀， 到8:15pm去到真係仲有人等位喎, 嘩, 好彩訂咗枱啫.   講真又真係無諗過係深水埗到太子交界嘅界限街會有間咁有特色嘅 cafe, 其實遠遠已經見到白色外場嘅Paradise,   加上靚靚嘅旋轉木馬係門口,  仲有個白雲燈箱, 想唔俾人留意到都唔得啦. 

Cafe 雖然細細, 但佈置浪漫, 廚房出面仲貼滿客人嘅相片, 令人感覺好親切.  
    
服務員帶了我地坐低跟手遞上餐牌,  因為見隔離枱未有人, 偷偷地拎埋隔離餐牌睇, 原來有分別㗎,  佢嗰個打開中間位有個立體旋轉木馬,  好有心思呀. 

Set 晚餐除咗主菜有多款選擇之外, 仲跟餐湯,  田園沙律,  是日甜品同咖啡或茶.  

是日餐湯係忌廉粟米南瓜湯,  粟米無渣, 好creamy. 

田園沙律菜, 新鮮清爽.

老公點咗280克美國頂級肉眼牛扒配燒汁 $208,  足足有10安士嘅肉眼好足份量,  外脆內嫩, 剛剛好係叫嘅5成熟, 好多汁, 牛肉味濃, 跟炸薯角. 

我就叫咗香脆豬手配燒汁 $148, 豬手外皮陣陣香草嘅香味, 燒得好香脆,  脂肪比例0岩0岩好.  豬手肉夠腍. 

本身Set Dinner 嘅甜品係酥皮奶油泡芺, 酥皮脆卜卜, 奶油唔太甜.

另一個我地就+$25 轉了我至愛嘅雪糕心太軟.  Yummy.

餐飲我地都轉咗特飲 香橙雜飲同熱嘅經典朱古力.   橙味同朱古力味濃但又唔太甜.

相當飽飽嘅一餐.  全部嘅份量都足夠食得飽飽. 而且服務員每位都好細心留意我地嘅食物嘅進度, 令我們每食完一道菜都唔使等好耐.  So sweet.  

提提大家唔想等就記得打去訂枱呀.

Cafe Paradise
地址: 太子界限街23號地下C舖
電話 : 3489 2212
~~~~~~~~~

多謝大家收睇我嘅分享，下次見

歡迎邀約合作試用/試做 ~ 出席活動 ~ 聯絡 ~
msceliabeaute@gmail.com

☆☆☆☆☆☆☆
以上純粹個人感受及分享, 並不代表該品牌之言論及立場
☆☆☆☆☆☆☆

Facebook : 西莉亞•美麗生活部落 MsCelia Life
Instagram :  MsCeliaBeaute

Facebook Fan Page 不定時推出優惠同送禮, 快 d 去我嘅專頁Like 同 Share 俾朋友知啦!

請多多支持喔 

為肌膚免疫力升級 ULTIMUNE Power Infusing Concentrate ~ Shiseido

香港工作壓力大， 空氣又差，  皮膚仲要面對塵埃污垢, 紫外光, 細菌等等唔同嘅侵害, 
我地除咗要健康嘅身體, 仲要有健康嘅皮膚, 你又知唔知自己嘅皮膚免疫力有幾多呢? 
今日等我同大家分享吓 Shiseido 全球首支激活肌膚免疫力的再生精華 ULTIMUNE Power Infusing Concentrate. 

我係6月尾嘅時候就去咗 Shiseido Beauty Centre 做咗個皮膚免疫力測試

呢個Shiseido SKINsensor 係全球首個能檢測皮肌膚免疫力指數的儀器.  只需5分鐘, 便可準確感應肌膚免疫力指數, 水份, 黑色素, 彈性, 膚質年齡一目了然,  深度了解你的肌膚狀態.  同時亦可追跡12個月免疫力指數變化, 配合個人護膚指導, 度身訂造獨家「防禦X重整」修護方案.

每次檢測皮膚後, 免疫力指數記錄及個人修護方案, 將會以傳送給到個人電郵帳戶, 讓你隨時隨地跟進肌膚狀態, 方便於每次肌膚檢測後與專櫃美容師詳細諮詢, 重煥健康美麗的肌膚.  

Shiseido 呢支ULTIMUNE Power Infusing Concentrate再生精華獨有34項專利配方, 當中的ULTIMUNE Complex^TM激活免疫力複合物, 能直接激活主宰肌膚免疫力的朗格罕氏細胞機能, 加強後續護膚品功效及吸收力, 有效提升護膚乳液中的水份達3.5倍, 重設肌膚免疫保安系統, 抵禦各種內外侵害，回復柔滑飽滿、水凝富彈性、緊緻無紋及均勻亮澤的年輕膚質. 

乳白色嘅再生精華倒上手好水感, 輕輕推開已經保濕, 而且好快吸收, 一d 都唔立黐黐.  好快就滲透入肌膚喇!

用咗個半月時間, 剩返1/3支咋, 我係每日早晚搽 2泵 Shiseido Ultimune Power Infusing Concentrate 打底, 之後再搽平時用開嘅護膚品就得喇! 

用咗咁耐, 係時候再返去Shiseido Beauty Center 睇睇個8月頭再去做皮膚免疫力測試喇. 

真係無諗過測試結果咁勁, 我d 皮膚都唔差喎.
眼最好56->76,  而且我嘅黑色素同水份都有改善喔.  

SHISEIDO ULTIMUNE Power Infusing Concentrate革命性肌膚免疫力提升精華
全球銷量突破二百四十萬瓶, 榮獲逾100項國際美容獎項, 刷出每22秒賣出一瓶的紀錄

^{^}30 名女性持續使用4 個星期後之臨床測試結果，ULTIMUNE Power Infusing Concentrate與乳液一同使用之肌膚保濕效能，與乳液單獨使用之比較

實證功效*
持續使用SHISEIDO ULTIMUNE Power Infusing Duo後肌膚狀況更健康，膚質更顯亮澤及年輕。
使用兩瓶後肌膚亮澤度從89%增至93%；膚質年輕度從82%增至93%。

想擁有健康又水潤又靚嘅肌膚真係唔可以懶0架.  完成測試後, 真心覺得SHISEIDO ULTIMUNE Power Infusing Concentrate 真係皇牌中嘅皇牌

SHISEIDO ULTIMUNE Power Infusing Concentrate 50ml (HK$860/50ml)

想了解多d, 可以到 ​https://www.facebook.com/SHISEIDOHK

多謝大家收睇我嘅分享，下次見

歡迎邀約合作試用/試做 ~ 出席活動 ~ 聯絡 ~
msceliabeaute@gmail.com

☆☆☆☆☆☆☆
是次產品及資料由theZtyle.com /品牌提供

文章純粹以個人意見真心分享及用後應,  而效果則因人而異, 只供參考.

如需協助或希望獲得更多有關產品資訊, 請直接聯絡該品牌查詢。
如從而引起任何損失或法律糾紛，本人概不負責。
☆☆☆☆☆☆☆

Facebook : 西莉亞•美麗生活部落 MsCelia Life
Instagram :  MsCeliaBeaute

Facebook Fan Page 不定時推出優惠同送禮, 快 d 去我嘅專頁Like 同 Share 俾朋友知啦!

請多多支持喔! 

至愛芝士撈丁加串燒 ~ 安安燒

朋友係要見嘅， 想坐得舒服又想啤一啤， 我同朋友都立刻諗起安安燒， 因為大家係係住港島東嘛。
平時好爆滿㗎， 所以今次我同朋友一早6點就嚟食， 唔係就真係無位喇， 安安燒除咗佢燒好俾你食之外， 你仲可以揀自己燒嘅， 但坐外面太熱了，我地揀咗坐入去 (因為嗰日係36度高溫) . 冬天再諗， 簡潔嘅裝潢，牆上貼滿多款食物飲品介紹。

坐低不久服務員就給我地餐牌同介紹今日嘅新鮮海鮮， 食物種類好多，可惜我地得2個人啦。

朋友想啤啤， 所以叫咗青檸味手工啤 $38， 我就緊係捨命陪靚女啦，唔飲酒嘅我就要菠蘿啤 $13, 都有少少酒精㗎, 試咗一啖呢個手工啤係有好濃嘅啤酒味少少嘅青檸嘅 苦澀啦。 

跟住等咗一陣， 我地叫嘅串燒就嚟啦， 先嚟咗個惹味蜜汁串燒蠔 $52 有3隻， 蜜汁係我至愛， 唔太甜味道啱啱好。 

燒鹿兒島豚肉串 $20/串, 我地每人一串， 每粒都有少少脂肪， 但又唔太多， 好味。
燒鮮冬菇 $15 無苦澀味同好香冬菇味。 

美國牛小排 $46 外脆內嫩， 中間仲有紅紅的。

當然要食埋佢地嘅安安秘製撈丁啦， 我就食佢地秘製三重芝士撈丁 $45, 濃濃嘅芝士鋪滿成隻碗， 三重芝士係因為佢地用3款芝士落去， 所以可以啖啖芝士喇， 另外朋友就要咗創意芝士蒜蓉撈丁， 一半芝士一半蒜蓉， 食完有口氣喔。 

成口好氣， 就緊係叫個燒甜美地捫菠蘿 $19, 開頭諗住係罐頭菠蘿， 原來係新鮮菠蘿， 甜甜清新可以清清 d蒜蓉味

如果想重口味 d 嘅， 佢地準備咗孜然粉， 梅粉同香辣粉俾你加。

呢餐好飽， 其實好多款都想試， 但我地肚子裝唔落喇， 下次一定要叫多 d朋友嚟食。 不過記得要訂枱呀. 

安安燒 On On BBQ
筲箕灣南安街93號鯉景大廈地下A舖
電話號碼 :  2307 1900       

~~~~~~~~~

多謝大家收睇我嘅分享，下次見

歡迎邀約合作試用/試做 ~ 出席活動 ~ 聯絡 ~
msceliabeaute@gmail.com

Facebook : 西莉亞•美麗生活部落 MsCelia Life
Instagram :  MsCeliaBeaute

Facebook Fan Page 不定時推出優惠同送禮, 快 d 去我嘅專頁Like 同 Share 俾朋友知啦! 請多多支持喔 

☆☆☆☆☆☆☆
以上純粹個人感受及分享
☆☆☆☆☆☆☆

瘦身排毒養身 • 磁穴瘦身療程 ~ Yinensis 然淙養生文化館

減肥真係女人嘅終生事業, 好瘦好瘦嘅女仔都喊住要減肥, 我咁懶都係時候動動身了, 之前係 Yinensis做過Fit Magic Plus 磁頻4D塑面, 美容師話 Fit Magic Plus 除咗面之外, 仲可以做哂身0架, 塑面都咁有效果, 所以決定做埋我個Body 先. 
今次我去咗Yinensis 然淙養生文化館嘅觀塘分店, 地鐵一出行1分鐘就到.  非常方便.

 

給人簡潔乾淨嘅Yinensis, 好舒適嘅感覺,  坐低不久美容師遞上花茶俾我飲休息一下, 之後我地就入房換上浴袍來進行療程. 

之前返寫字樓因為長期對電腦打字, 令到我肩頸長期酸痛, 美容師話 Fit Magic Plus 係以最新日本YAMAN生物微電流及磁頻原理所研發, 以超低頻電流配合獨特手法, 疏通經絡及淋巴, 即時排毒袪水腫, 加強燃燒脂肪, 同時促進微循環, 增強新陳代謝, 脂肪就不易積存在體內, 以達到修身纖體的目的.   咁我就決定做背面喇.
Yinensis 美容師先用有排毒水腫嘅啫喱唧落背部, 之後就用上 Fit Magic Plus 三腳磁叉由背脊開始開通穴位, 因為係超低頻電流通過磁叉到皮膚, 所以會感覺到一d 電流嘅感覺, 美容師每轉一個位置都好細心問問力度可唔可以接受到, 所以有d 位置感覺係會大d 嘅, 好似我背脊位置係ok 嘅, 但去到腰部就覺得有d 痺痛,

做完背部就慢慢上去我嘅肩頸位置, 好奇怪有肩頸痛嘅我應該覺得好痛先係0架, 但我一開始真係一d 感覺都無喎, 哈哈~~ 好戲在後頭.  美容師解釋原來我d 肌肉太緊, 淋巴太"塞" 喇, 要先疏通底部根腱先可以令肌肉鬆弛.  到肌肉鬆咗就開始感到微電流喇, 越鬆感覺越大.  美容師先幫我做一邊, 但出嚟嘅效果太勁啦, 好明顯我肩頸0個舊肌肉無咗 (跟咗我好耐喇).  

做完一邊已經睇到我脹卜卜嘅背肌係扁咗.

其實因為肩痛而每個月都會去做一次中式按摩, 美容師同我講按摩只能鬆到表面肌肉, 要改善就要由根底做起, Fit Magic Plus 就可以深入底層根腱,  有效排毒袪水腫; 疏通經絡, 刺激身體的內分泌, 藉此平衡內分泌系統; 暢通淋巴; 加強燃燒脂肪; 改善坐骨神經痛及肌肉酸痛問題; 放鬆身體肌肉、消除疲勞.

做完感覺係比按摩鬆好多, 肌肉無咁掹掹緊, 好舒服.  做完再遞上花茶同一杯水幫助排毒 (記``得做完要飲多d 水呀) .   Yinensis 仲有個休息同化妝地方, 好細心喔. 


Yinensis 然淙養生文化館 【分手•腫•要說再見】
Fit Magic Plus磁穴瘦身 - 優惠價: $198 / 30 mins
可選擇: 腿部/ 手臂 / 肚腩 / 背部
~~~~~~~~~

觀塘分店 (地鐡站B出口行約1分鐘)

觀塘成業街6號泓富廣場10樓1008室

預約電話: 3152 2355

Whatsapp: 9713 1152

~~~~~~~~~

尖沙咀店 （地鐵站A出口行約1分鐘）
尖沙咀漢口道28號亞太中心3樓11室

預約電話: 2818 0818

Whatsapp: 5688 9816

Website: http://www.yinensis.com

Facebook: https://www.facebook.com/Yinensis

~~~~~~~~~

多謝大家收睇我嘅分享，下次見
歡迎邀約合作試用/試做 ~ 出席活動 ~ 聯絡 ~
msceliabeaute@gmail.com

Facebook : 西莉亞•美麗生活部落 MsCelia Life
Instagram :  MsCeliaBeaute

Facebook Fan Page 不定時推出優惠同送禮, 快 d 去我嘅專頁Like 同 Share 俾朋友知啦!

☆☆☆☆☆☆☆

是次產品及資料由品牌提供

文章純粹以個人意見真心分享及用後應,  而效果則因人而異, 只供參考.

如需協助或希望獲得更多有關產品資訊, 請直接聯絡該品牌查詢。
如從而引起任何損失或法律糾紛，本人概不負責。
☆☆☆☆☆☆☆