誠品的鐵路便當 ❤ 百芳池上便當

 

台灣鐵路便當好出名， 去台灣都必想搵嚟食， 宜家香港太古城誠品裡面就有了。 位於一樓嘅百芳真係用台灣木盒盛載， 更加選用台灣米， 完全台灣風味。 

 

 

 

Food Court 形式嘅百芳坐位都算充足， 便當一共有八款咁多， 除了便當仲有湯麵， 乾拌麵及台灣小食。 

 

 

我地點了一款"台灣焢肉便當 " 同 "香酥豬扒肉燥乾拌麵" 

 

 

"台灣焢肉便當 " 我鐘意食肥豬肉所以選了焢肉， 唔好睇佢好肥呀， 真係入口即溶， 唔肥膩。 百芳選用返台灣木盒盛裝著米飯， 粟米， 肉燥， 粉絲， 鹵水蛋，娃娃菜同一 d 醃菜， 份量都幾多吓。 

 

 

"香酥豬扒肉燥乾拌麵" 豬扒薄得嚟好香脆， 台灣麵好彈牙， 拌肉燥一齊食味道啱啱好， 唔太鹹。 

 

 

本身可跟阿薩姆紅茶， 當然仲可以加錢選擇其他飲品啦， 我就要金桔檸檬， 好酸, 另外嗰杯蜂蜜檸檬就啱啱好， 中和返

 

 

另追加"台灣夜市香腸" , 2個人$170 都算經濟。

 

 

 

百芳池上便當  Bai Fung Bento

太古太古城道18號太古城中心1樓誠品生活L111號舖        

 

~~~~~~~~~~~~~

 

多謝大家收睇, 如果鍾意我嘅分享就快d follow 我啦, 下次見 !

 

歡迎邀約合作試用/試做 ~ 出席活動 ~ 聯絡 ~ 

msceliabeaute@gmail.com

 

Facebook : 西莉亞 MsCelia

Instagram :  MsCeliaBeaute

 

 

 

 

 

☆☆☆☆☆☆☆

文章純粹以個人意見真心分享及用後應,

而效果則因人而異, 只供參考.

如需協助或希望獲得更多有關產品資訊, 請直接聯絡該品牌查詢。

如從而引起任何損失或法律糾紛，本人概不負責。

☆☆☆☆☆☆☆

西灣河抵食星馬菜 ❤ 馬六 Malacca Cuisine

有日坐車返屋企經過太安樓見到開咗間新餐廳， 緊係約埋街坊一齊食好西啦。

裝潢簡潔， 坐位都算幾多， 主要係食星馬食品， 睇睇餐牌我地決定食佢嘅主打 [肉骨茶] 跟 [海南雞飯].

無骨海南雞飯跟油飯， 其實飯可以選白飯或者油飯㗎。 雞肉都算嫩滑， 雞油飯軟硬適中， 唔會太膩。最愛佢個薑汁。 

[馬六巴生肉骨茶] 套餐跟油飯及油炸鬼， 巴生肉骨茶以藥材為主， 自覺藥材味唔算好濃， 骨排都幾多。 個人比較鐘意配油炸鬼一齊食， 哈哈 ~~

另外我地仲要咗個 [馬拉盞通菜]， 通菜幾嫩幾新鮮， 但馬拉盞味道比較淡。 

凍冰冰天氣我倆就叫咗「熱咸柑桔水」 + 「熱香茅蜜」。

上菜速度好快， 但我倆都覺得菜唔夠熱， 下次再試吓佢地另一主打 ~ 喇沙先。

馬六 Malacca Cuisine

西灣河筲箕灣道57-87號太安樓地下G24號舖

 

~~~~~~~~~~~~~

 

多謝大家收睇, 如果鍾意我嘅分享就快d follow 我啦, 下次見

歡迎邀約合作試用/試做 ~ 出席活動 ~ 聯絡 ~ 

msceliabeaute@gmail.com

 

Facebook : 西莉亞 MsCelia

Instagram :  MsCeliaBeaute

 

 

 

 

☆☆☆☆☆☆☆

是次產品及資料由品牌提供,  文章純粹以個人意見真心分享及用後應,

而效果則因人而異, 只供參考.

如需協助或希望獲得更多有關產品資訊, 請直接聯絡該品牌查詢。

如從而引起任何損失或法律糾紛，本人概不負責。

☆☆☆☆☆☆☆

非一般英國炸魚薯條 ~ White Beard 白鬍子炸魚薯條

早前香港天氣咁凍就諗起身在英國嗰時， 諗起英國就諗起 Fish n ChIps. 心動不如行動， 即刻約埋朋友去中環嘅 White Beard Fish n Chips 白鬍子炸魚薯條， 佢地有2間分店， 我想坐低食所以選擇蘇豪卑利街。

都唔算好難搵， 門面選用 open式， 可以坐係出面食㖭。 Open KItchen油煙無英國嗰 d咁勁， 地方唔算好大， 同朋友坐低飲吓野， 食住薯條傾吓計都好舒服。

比係英國， 佢嘅 Fish n Chips 選擇多好多， 有傳統嘅， 香蒜味、 香辣味、就連泰國冬陰功味都有。 除咗 Fish n Chips之外， 當然仲有其他選擇啦。 

一坐低好口渴， 先嚟2杯飲品Pineapple Express 同 Lemonade, 一甜一酸。

我就揀咗必食嘅 Lemon Pepper Fish n Chips, 即叫即炸， 大大塊嘅炸魚面已經有胡椒喇， 炸皮唔算好厚， 食落魚肉實淨， 而且食到淡淡檸檬汁味道， 雖然跟沙律醬我都唔需要伴埋炸魚都已經好好食喇。 薯條都唔使多講囉， 脆卜卜， 即炸嘅薯條先好食嘛。

朋友就點咗個雞肉磨菇批， 因為即整所以要等15分鐘， 但都抵我地等嘅， 熱辣辣嘅 Pie皮薄餡豐富。 正呀。

可惜我唔飲酒啦，唔係嘅飲住啤酒食住薯條，傾吓計呢到絕對推介呀.

白鬍子炸魚薯條 White Beard Fish n Chips

中環蘇豪卑利街55號地下A號舖 

電話: 2803 0082

~~~~~~~~

多謝大家收睇, 如果鍾意我嘅分享就快d follow 我啦, 下次見

歡迎邀約合作試用/試做 ~ 出席活動 ~ 聯絡 ~

msceliabeaute@gmail.com

Facebook : 西莉亞•美麗生活部落 MsCelia Life

Instagram :  MsCeliaBeaute

Facebook Fan Page 送禮中, 快 d 去我嘅專頁Like 同 Share 俾朋友知啦! 請多多支持喔!

☆☆☆☆☆☆☆

文章純粹以個人意見真心分享及用後應,

而效果則因人而異, 只供參考.

如需協助或希望獲得更多有關產品資訊, 請直接聯絡該品牌查詢。

如從而引起任何損失或法律糾紛，本人概不負責。

☆☆☆☆☆☆☆

都市女性補身恩物 ❤ ~ 王朝滴雞精 (養氣人蔘)

不論冬天定夏天， 手又凍、 腳又凍，你會唔會同我一樣嗎！

尤其係冬天夜晚瞓覺， 被竇好似開咗冷氣咁， 真係好難瞓得着。

因為無時間煲湯， 試過食好多補品， 飲唔同牌子雞精都唔得。

特別係2年前子宫出咗 d問題， 個人更加特別容易攰， 特別係生理期間。 

經朋友介紹下決定買一盒 [王朝滴雞精] 嘅 養氣人蔘 嚟飲。 

其實滴雞精唔一定係坐月媽媽先飲㗎， 壓力高、多應酬、長期熬夜缺乏睡眠嘅職業女性，做完手術三星期後， 養生人士及長者都適合飲用。 尤其係女仔每月生理後都要補補㗎， 女人唔補好易老 。

一盒王朝滴雞精一盒10包裝， 以合法牧場的適齡母雞用10小時以100度唔加一滴水嘅古法恆溫滴釀，令到啖啖精華都是 “高蛋白”，“零脂肪” 及 ”低鈉量”。

滴雞精係需要冷藏㗎， 有2個唔使解凍嘅方法烹煮飲用 ~  隔水加熱 同 微波爐/電鍋加熱。 

我通常早上起身就用微波爐加熱，  咁裝身後飲完就可以返工喇， 好方便 (〃'▽'〃)。

而且早上/下午空肚飲， 之後15分鐘先進食咁係最吸收㗎。

加熱咗嘅滴雞精可以聞到高麗蔘嘅香味， 清澈金黃，一d油脂都無。

大約半碗精華飲落去好甘香清甜， 而且一d 都唔會苦， 有雞湯嘅濃郁但又唔油膩，好容易入口。 

飲咗三包之後真係覺得個人精神咗，面色紅潤，特別係早前香港天氣得10度手腳無咁凍，好容易瞓得著， 補氣好好，睡眠質素好人都靚啲啦，真係女性補身佳品。 禮盒包裝送俾親友長輩都精美實用啦。

 

王朝滴雞精 (養氣人蔘) ~ $480 / 10包裝 

除了養氣人蔘之外仲有原味、冬蟲夏草、美麗四物同靈芝百合口味俾你選擇喔!

想了解多d 王朝滴雞精 資訊，可去到以下網址睇睇: 

http://www.wangchao.com.hk/ 

https://www.facebook.com/wangchao.hk/

~~~~~~~~

多謝大家收睇, 如果鍾意我嘅分享就快d follow 我啦, 下次見

歡迎邀約合作試用/試做 ~ 出席活動 ~ 聯絡 ~

msceliabeaute@gmail.com

Facebook : 西莉亞•美麗生活部落 MsCelia Life

Instagram :  MsCeliaBeaute

 

 ☆☆☆☆☆☆☆ 

是次產品及資料由品牌提供,  文章純粹以個人意見真心分享及用後應,  

而效果則因人而異, 只供參考.

如需協助或希望獲得更多有關產品資訊, 請直接聯絡該品牌查詢。

如從而引起任何損失或法律糾紛，本人概不負責。

☆☆☆☆☆☆☆