銅鑼灣鬧市中嘅平民飯堂 ❤ 龍城冰室

落去銅鑼灣交收完， 係SOGO 行咗一陣就肚餓喇， 哈哈~~
通常係銅鑼灣都會先去謝菲道， 一轉入就見到呢間 "龍城冰室" 。   

好, 今晚就你啦.....

睇睇餐牌除咗晚餐之外， 都有幾多選擇， 焗飯, 燴飯, 扒類等......

 

我就要咗菠菜汁海鮮焗飯， 裡面有魷魚、 帶子、 青口、 蝦同魚。  海鮮份量都幾多。 

飯有蛋抄底， 但又唔係抄飯， 材料好豐富， 只略為覺得菠菜汁太少。

 

另外再叫咗個皇牌吉列豬扒配薯菜。  大大件豬扒香脆， 豬扒都算腍。  

鐘意佢用成個焗薯代替薯仔，  味道OK 。

 

另外我地都加了$6 配了紅湯 (蔬菜湯) 跟 白湯( 忌廉湯) 和 $18 凍檸茶。

全部都只係$155， 以銅鑼灣嚟講都算合理。

 

龍城冰室 Dragon City Cafe

銅鑼灣謝斐道500號維安商業大廈地舖

 

~~~~~~~~~~~~~

 

多謝大家收睇, 如果鍾意我嘅分享就快d follow 我啦, 下次見

歡迎邀約合作試用/試做 ~ 出席活動 ~ 聯絡 ~ 

msceliabeaute@gmail.com

 

Facebook : 西莉亞 MsCelia

Instagram :  MsCeliaBeaute

 

 

 

 

☆☆☆☆☆☆☆

是次產品及資料由品牌提供,  文章純粹以個人意見真心分享及用後應,

而效果則因人而異, 只供參考.

如需協助或希望獲得更多有關產品資訊, 請直接聯絡該品牌查詢。

如從而引起任何損失或法律糾紛，本人概不負責。

☆☆☆☆☆☆☆

MK優閒樓上 Cafe ~ Station 3 Cafe 第三站 (旺角)

出旺角除咗食放題， 原來都可以選擇樓上 cafe㗎， 今次老公帶路， 話之前同朋友試過， 今次帶我嚟食返個優閒晚餐。

係旺角金雞廣場， 我都真係第一次去， 上25樓嘅 Station 3 Cafe以簡單舒適為主， 大大張白色梳化可以舒舒服服咁同朋友情人傾吓計都唔錯嘅選擇。

晚餐 Set都唔少選擇但多以意粉為主。 另外我地Dinner set 都加咗$30 要頭盤同甜品。

頭盤係新鮮嘅田園沙律。 

我就選平時愛食嘅黑松露帶子鮮菌燴意大利飯 $108. 佢地嘅帶子以細粒伴 Risotto, 黑松露味道唔算太濃。

老公就選了墨西哥香辣肉丸燴意粉 $103, 少少辣汁令人更加開胃， 味道 ok.  

另外再加多個小食炸魚柳配薯條 $44, 足有3塊魚柳， 外脆肉軟， 我就最愛食薯條喇。

飲品方面我就加咗 薄荷朱古力加 cream (+$6). 好正呀， 濃濃嘅朱古力味加上淡淡嘅薄荷香。 老公就要咗芒果乳酪 (+$10) 同樣好飲。

甜品我地就叫咗法國朱古力蛋糕同藍莓芝士蛋糕作完美嘅一餐， 老公果然無介紹錯。

第三站 Station 3 Cafe

旺角洗衣街39號金雞廣場25樓08-09室

電話 : 6681 1177

~~~~~~~~

多謝大家收睇, 如果鍾意我嘅分享就快d follow 我啦, 下次見

歡迎邀約合作試用/試做 ~ 出席活動 ~ 聯絡 ~

msceliabeaute@gmail.com

Facebook : 西莉亞•美麗生活部落 MsCelia Life

Instagram :  MsCeliaBeaute

Facebook Fan Page 送禮中, 快 d 去我嘅專頁Like 同 Share 俾朋友知啦! 請多多支持喔!

☆☆☆☆☆☆☆

文章純粹以個人意見真心分享及用後應,  

而效果則因人而異, 只供參考.

如需協助或希望獲得更多有關產品資訊, 請直接聯絡該品牌查詢。

如從而引起任何損失或法律糾紛，本人概不負責。

☆☆☆☆☆☆☆

灣仔美味泰國菜 ～ 新泰東南亞餐廳 (灣仔)

邊個話食泰國菜一定要去九龍城㗎， 灣仔都有好介紹， 姊妹想食泰國菜又係灣仔返工， 近近地係灣仔食啦， 其實「新泰東南亞餐廳」係灣仔有2間， 所以要問清楚先好去呀， 唔係去錯就唔好啦。 呢個係盧押道嘅新泰要上2樓㗎， 一入到去就好似置身泰國咁， 大大少少嘅泰國裝飾及擺設都以木為主。 我地2位lady可能早啦，唔算太肚餓， 所以都係點 d 簡單嘅菜式嚟食。

首先緊係叫野飲啦。 咸檸檬梳打, 無諗過梳打都係泰國嚟㗎，足足有2杯份量，抵飲又冰凍解渴。

蒜蓉炒貴妃苗， 貴妃苗好幼嫩， 完全冇揸， 炸蒜蓉同生蒜抄到啱啱好， 又唔多油， 仲好翠綠㖭。

椒鹽軟殼蟹， 椒鹽好香口， 軟殼蟹好鬆脆， 抄得好乾身。

泰式柚子蝦沙律， 酸酸甜甜， 柚子好清新， 大蝦鮮魷份量足又大件， 炸蒜腰果椰肉絲配合柚子真係夾， 開胃之選， 絕對推介。　

份量唔少， 連飯都唔使食都已經好飽喇。

 

新泰東南亞餐廳　Sun Thai Restaurant
灣仔盧押道20號其康大廈地下3號舖
電話：23273938

~~~~~~~~

多謝大家收睇, 如果鍾意我嘅分享就快d follow 我啦, 下次見

歡迎邀約合作試用/試做 ~ 出席活動 ~ 聯絡 ~
msceliabeaute@gmail.com

Facebook : 西莉亞•美麗生活部落 MsCelia Life Instagram :  MsCeliaBeaute

Facebook Fan Page 送禮中, 快 d 去我嘅專頁Like 同 Share 俾朋友知啦!
請多多支持喔!

☆☆☆☆☆☆☆
以上純粹個人感受及分享, 並不代表該品牌之言論及立場
☆☆☆☆☆☆☆

不一樣而有驚喜嘅Fusion素菜 ~ 波羅密素食

夏天咁熱, 一班朋友約食飯真係唔知食咩好, 難得有人提議想食得健康d, 就係咁就決定去食素菜, 一向少食素嘅我心諗應該都係d 傳統素食啦!!  都係離不開酸齋呀， 芋頭鴨呀， 羅漢齋呢 d.  點知上到去波羅密睇睇個菜單， 嘩…. 點解咁嘅， 哈哈~~    第一次嚟波羅密都係 d比較 old style嘅老店， 但又估唔到佢地加入 Fusion 嘅菜式喎. 


坐低不久服務員就遞上兩壺菊花茶， 淡淡嘅菊花茶味， 清新解渴。  等我話你知食咗 d 咩啦


椰香養顏滋潤燉湯 ~~  用椰子水連同新鮮嘅椰子肉、 桃膠、雪蓮子、桂圓肉、腰果、 竹笙同草菇等等嘅材料一齊燉， 清甜可口， 絕對係有滋潤養生嘅功效。

牛油果蔬菜沙律 ~~ 呢個沙律除咗用新鮮嘅番茄， 牛油果同紅肉火龍果之外， 諗都諗唔到係配搭埋黑醋一齊食， 黑醋嘅酸甜引出水果嘅味， 感覺好特別但又好好食喎。
 

香脆素乳豬件 ~~ 呢個乳豬係要同我最鐘意嘅片皮鴨嘅方式去食， 一片薄餅皮 + 一件素乳豬 + 一束紮好嘅青瓜西芹紅椒 + 喜愛嘅海鮮醬 一齊包嚟食， yummy.   呢年素乳豬好有"肉" 嘅口感。  如果鐘意食辣嘅可以加上整成太極款嘅孜然粉同麻辣粉 (我唔食辣所以一定唔會試)。
  .

香烤黑松露白靈菇 ~~ 廚師好有心思咁把成個擺盤好似一幅畫咁， 大家一見到已經嘩嘩聲好靚呀。  白靈茹我都唔記得之前有無食過， 但佢嘅味道再加上黑松露真係好夾， 配合幼嫩爽脆嘅露筍， 真係好好味。

韓式風沙蔬菜卷 ~~ 開頭睇到都諗唔係日式天婦羅咩， 點解係韓式呢？ 原來係加咗韓國紫菜。  蔬菜卷雖然係油炸， 但一 d油感都無， 好乾爽好脆身， 包住 d茹呀， 豆呀， 茄子等唔同口感嘅蔬菜， 食起嚟都好得意。

川式鴛鴦口水雞 ~~ 呢個係佢地嘅招牌菜， 真係估唔到素菜都有四川麻辣風味， 聽說呢個口水雞都分咗3種做法， 猴頭菇、豆腐、大豆纖維嚟做出3種"假雞件",   好有誠意喔， 我唔食辣都輕輕咬咗一啖， 真係好似雞㗎， 但呢一啖都可以 feel到呢個麻辣嘅威力。


原隻素鮑魚扒菜膽 ~~ 呢個素鮑魚真係做先好似好似， 原來係用 蒟蒻嚟做㗎， 食落好爽味道都好似真嘅飽魚味。  擺盤實在太靚啦， 第一時間影相呃 link啦。

百味香飯 ~~ 這個炒飯太勁喇， 一 d油淋淋嘅感覺都無，好乾身， 好多中菜都未必做到， 除咗毛豆外， 仲用咗巴西嘅蘑菇醬一齊炒， 跟住飲面灑上白芝麻同素瑤柱， 令到個飲更加香。  
甜品 ~~ 無諗住素菜館會以果凍嚟做甜品， 清新嘅玫瑰花/桂花嘅味道。  令口腔有清新嘅感覺。


以前俾我感覺食素係唔會飽嘅， 每次食完出門口已經感到肚餓， 但呢一餐真係食得好飽好飽， 下次一班朋友搵食嘅話， Fusion素食絕對可以一試。


波羅密素食 (尖沙咀)  Paramita Vegetarian Restaurant
尖沙咀彌敦道180號寶華大廈2樓
電話號碼 : 2736 3939 / 2736 3989

荔枝角長義街9號D2 Place一期3樓302舖
電話號碼 : 23712208

~~~~~~~~~

多謝大家收睇我嘅分享，下次見

歡迎邀約合作試用/試做 ~ 出席活動 ~ 聯絡 ~

msceliabeaute@gmail.com

Facebook : 西莉亞•美麗生活部落 MsCelia Life

Instagram :  MsCeliaBeaute

Facebook Fan Page 送禮中, 快 d 去我嘅專頁Like 同 Share 俾朋友知啦!

請多多支持喔 

☆☆☆☆☆☆☆

以上純粹個人感受及分享, 並不代表該品牌之言論及立場

☆☆☆☆☆☆☆