平民價錢有高質素嘅扒房 @ 平民扒房 友蠔食

出旺角做Facial 順便等旺角放工係旺角揾食， 心血來潮唔想食放題， 所有向"女人街" 揾食， 見到呢間新開嘅餐廳有蠔有扒， 價錢都相宜所有決定晚餐就呢到啦。

地方唔算大但勝在乾淨舒服， 牆上貼滿佢地嘅推介菜式方便客人選擇。

睇睇Menu揀咗2 sets精選一人晚餐同老公share. 套餐都幾多野食㗎， 前菜已經有3款， 主食都有九款， 每款主食仲可以選配菜㖭。

由於2個人我地就可以試哂d前菜喇。 先嚟咗二款[鮮海膽撈冷烏冬] 同 [甜酸胡麻醬冷蕃茄]。 海膽好新鮮好濃郁，烏冬彈牙。 呢個蕃茄真心推介， 好甜好大， 加埋胡麻醬真係好march。

二款餐湯~ 蕃茄薯仔湯 & 黑松露忌廉湯。 個人覺得忌廉湯好creamy， 但略為味道淡咗d。 但蕃茄湯酸甜道啱啱好。

小女愛食生蠔， 所有二 Set 都選咗生蠔， 另外再追加多2隻。 

即開生蠔好新鮮， 海水味係有嘅， 但生蠔好爽口飽滿， 而且價錢唔貴， 值得推介。 

 

主食我地叫咗 【秘製洋蔥汁@俊男牛扒】$188 + 【松露白汁@美女豬扒】 $168， 好食肉獸。一見到好特色啱， 二個餐安排一個木盆一齊上， 而且係用熱石而唔係鐵板。 

 

 

二款份量都幾多， 牛扒同豬扒都各有2塊， 牛扒薄身d但牛味都有嘅， 豬扒就厚d, 但不得不讚二個汁都好濃好正， 特別個人愛呢個松露白汁， 好香好濃郁松露份量唔多唔少， 但又發揮到佢嘅香味。 

 

 

可加錢餐飲， 我地都叫咗[雜莓汁] + [石榴汁], 原來係加咗梳打嘅果汁嚟。 

 

 

平民扒房@友蠔食 Steakhouse@oysterian

旺角通菜街1A-1L號威達商業大廈地下D號舖

 

~~~~~~~~~~~~~

 

多謝大家收睇, 如果鍾意我嘅分享就快d follow 我啦, 下次見

歡迎邀約合作試用/試做 ~ 出席活動 ~ 聯絡 ~ 

msceliabeaute@gmail.com

 

Facebook : 西莉亞•美麗生活部落 MsCelia Life

Instagram :  MsCeliaBeaute

 

 

 

☆☆☆☆☆☆☆

是次產品及資料由品牌提供,  文章純粹以個人意見真心分享及用後應,

而效果則因人而異, 只供參考.

如需協助或希望獲得更多有關產品資訊, 請直接聯絡該品牌查詢。

如從而引起任何損失或法律糾紛，本人概不負責。

☆☆☆☆☆☆☆

“五穀之王” 排毒養顏嘅健康有機蕎麥茶 ~ O'TEA

蕎麥麵就食得多， 蕎麥茶你又飲過未？

新年呢段時間真係食到有 d 滯， 今晚就試吓呢款  O'TEA 蕎麥茶 先。

嚟至香格里拉 2000米海拔以上天然有機蕎麥茶，非再加工成形、不添加任何香料同防腐劑。  最大化保留各種有益物質，為您帶來高品質天然、健康的蕎麥茶。

顧名思義，蕎麥係由穀類作物苦蕎麥烘培而成的，苦蕎麥是一種健康的食品，被稱為“五穀之王”.

適用人士包括：

• 常精神緊張的腦力勞動人士 ~ 緩解身體疲勞、恢復能量
• 老年人 ~ 改善生物類黃酮能保護血管，促進微循環，抗血栓，預防心腦血管疾病；苦蕎中 含有硒-抗癌之王，硒是抗衰老的元素
• 常坐著或駕駛汽車的人士 ~ 改善心腦微循環、促進眼部血液循環、清除體內垃圾
• 三高人士 ~ 苦蕎黃酮不但可以有效的活血化瘀、抗栓塞、降血脂、降血壓、降低膽固醇、降低血糖，淨化血液，苦蕎被現代人稱為“三降丹”
• 女性及肥胖人士 ~ 有效的清除體內自由基，延緩衰老。苦蕎茶中的氨基酸能清理體內毒素和異物，阻止脂肪吸收，起到排毒養顏，減肥的功效
• 便秘及腹瀉人士 ~ 補含有大量膳食纖維，調節腸胃功效。 清火、潤腸通便。民間又稱苦蕎為 “淨腸草”
• 孕婦 ~ 補充微量元素，特別是2，4-二羥基順式肉桂酸，排毒美白、預防雀斑以及老年斑
• 小孩 ~ 改善在苦蕎茶中不僅含有豐富的蛋白質、葉綠素、脂肪、碳水化合物、粗纖維、礦物質及微量元素，還含有18種天然氨基酸，和9種脂肪酸，對幼兒有促進生長發育的作用
• 失眠人士 ~ 改善心腦微循環，安神助眠
• 飲酒過量人士 ~ 改善飲酒過量人士 生物類黃酮解除醇中毒、保肝護肝，養胃，抗氧化增強人體免疫機能

以環保簡潔紙製茶盒包裝設計， 一打開已經聞到陣陣烘焙穀香， 一望落去並唔係一般嘅茶葉， 唔係一片片而係一粒粒喎， 好得意㗎， 淺啡色就好似咖啡糖咁。 

一湯匙(大約10g) 嘅蕎麥茶以熱水泡3分鐘就可以直接飲用； 另外可以待放涼後放入雪櫃冷凍後飲用， 亦都可以按自己口味加入檸檬或者蜂蜜㗎。

入口好甘香， 有淡淡烤過嘅穀香味道， 飲落好舒服， 苦蕎麥有健胃消滯嘅功效， 所以飲後飲用就最啱喇。  最重要係佢有阻止脂肪吸收， 咁就起到排毒養顏減肥嘅功效， 咁我要 keep 住飲喇。

蕎麥茶 Buckwheat Tea  $115 / 200g  (全港各大商場有售)

O'TEA 蕎麥茶

website：https://www.otea.co/

facebook：https://www.facebook.com/buckwheatotea/

~~~~~~~~

多謝大家收睇, 如果鍾意我嘅分享就快d follow 我啦, 下次見

歡迎邀約合作試用/試做 ~ 出席活動 ~ 聯絡 ~

msceliabeaute@gmail.com

Facebook : 西莉亞•美麗生活部落 MsCelia Life

Instagram :  MsCeliaBeaute

 

☆☆☆☆☆☆☆ 

是次產品及資料由品牌提供,  文章純粹以個人意見真心分享及用後應,  

而效果則因人而異, 只供參考.

如需協助或希望獲得更多有關產品資訊, 請直接聯絡該品牌查詢。

如從而引起任何損失或法律糾紛，本人概不負責。

☆☆☆☆☆☆☆

中式格調Fusion冰室 ~ 隆記茶室

最愛去一 d懷舊冰室食飯， 但呢間冰室比較 Fusion d. 難得2pair人都得閒， 可以約埋一齊食飯喇


有 d特別係佢地嘅提供嘅飲用水係由日本嘅三和電解還原水， 令每位食客都食得開心， 飲得放心。 好細心喔。


我自己就叫咗龍蝦汁蝦球伊麵  ($75) + 勞氣沙冰。 爽口蝦球大大粒， 伊麵吸收曬啲龍蝦汁更加 惹味。 勞氣沙冰係朱古力沙冰上面再加個朱古力雪糕， 我話係邪惡沙冰多 d, 朱古力味濃厚， 大大杯真係飲唔哂。


老公要咗鐵板紐西蘭牛柳 ($128)， 5成熟外脆內嫩， 牛肉味濃吸收哂 d 蒜蓉汁更加好味， 鐵板上熱辣辣， 配上香脆炸薯條同去咗皮嘅番茄就係傳統鐵板餐喇， 跟餐仲有餐湯同餐包。 飲品就簡單嘅雜果冰， 好有小時冰室嘅味道。


朋友地就叫咗龍蝦湯鮑魚絲通粉餐 ($62)，餐內包咗黑松露炒蛋+多士。 份量好大， 原來呢個餐中午到夜晚都有嘅。 原味奶茶紅豆冰，我都試咗一淡， 奶茶都香滑， 唔係好甜(呢個我鐘意), 而且紅豆冰都好多好大粒， 值得推介。


另外就係 酥金寶配烏冬 ($88)， 大大個酥皮包內原來滿滿嘅龍蝦湯， 仲有好似天婦羅嘅蝦碌。飲品係好好聽嘅清新小姐， 其實係雙檸soda, 但提提你呢個有糖漿嘅， 如果唔飲太甜嘅記得叫小甜呀。


不論係食物同飲品嘅份量都幾大， 但價錢又合埋街坊價， 都值得再試。

隆記茶室
地址: 北角和富道18號地舖
電話: 26522001

~~~~~~~~
多謝大家收睇, 如果鍾意我嘅分享就快d follow 我啦, 下次見

歡迎邀約合作試用/試做 ~ 出席活動 ~ 聯絡 ~
msceliabeaute@gmail.com

Facebook : 西莉亞•美麗生活部落 MsCelia Life
Instagram :  MsCeliaBeaute

Facebook Fan Page 送禮中, 快 d 去我嘅專頁Like 同 Share 俾朋友知啦! 請多多支持喔!


☆☆☆☆☆☆☆
以上純粹個人感受及分享, 並不代表該品牌之言論及立場
☆☆☆☆☆☆☆

令你放鬆心情嘅 Pop-up Cafe ~ The Story Cafe x Dustykid Grand Opening

呢個咁大大圓眼睛， 永遠都有快樂笑容嘅 Dustykid小塵子係未好可愛呢。 



早前好開心可以參與係青衣城嘅 The Story Cafe x Dustykid (阿塵)  嘅 Grand Opening. 



以柔和嘅海洋色系， 加上掛滿一幅一幅海員 Dustykid 嘅金句油畫， 令 The Story Cafe 化身為溫馨嘅海洋世界 Pop-up Cafe。



當日仲品嚐到以5款Dustykid 造型嘅期間限定美食, 真係可愛到爆呀， 又好睇又好食呀.  等我介紹佢地出場啦。



先嚟一杯塵望•海鹽朱古力 $45.  呢個一定要試。 有鹹味嘅朱古力， 淡淡嘅海鹽味加上濃濃嘅朱古力， 配以滑滑嘅奶香， 上面仲有可愛嘅笑口小塵子， 真係唔捨得飲呀 。



肚餓嘅可以試吓呢個天空飛塵船 $68.  Party 小食， 船上面有阿塵多士， 配煉奶最滋味， 香濃嘅照燒汁魷魚鬚， 香口嘅一口芝士波同香脆嘅薯格。  我就好鍾意個魷魚鬚， 好腍好香， 同照燒汁真係最佳配撘。



呢個塵塵梳乎厘班戟 $80.  以大菜糕做出藍藍嘅海洋，充滿空氣感嘅梳乎厘， 同軟綿綿嘅班戟， 上面仲有可愛塵水手嘅樣㗎， 我選咗本地蜂蜜一齊食，更加惹味， 甜品之選。



2口子情侶可以揀呢個藍天碧海塵芭菲 $80 2人份量。  真係好大杯㗎， 裡面有冰涼嘅青檸沙冰， 沙冰上面有厚厚嘅藍色奶油波浪， 波浪上面有日本嘅波子汽水雪糕， 雪糕上面滿滿嘅海藍色以阿塵造型嘅寒天，  飲落去真係每層都有唔同嘅味道。  咁巨型真係2個人都未必飲得哂。



仲有五色 彩虹「塵」蛋糕 $48/件。  五種顏色帶出五種味道， 紫薯﹑芒果﹑ 抹茶﹑藍莓同士多啤梨。  試吓3款味道 ~ 紫薯﹑芒果同藍莓， 海綿蛋糕再配不同顏色口味嘅慕絲夾口， 鬆軟幼滑， 但又唔會好甜。  仲可以買返屋企慢慢嘆。



好開心嘅下午茶時光，Thank you for having me  !! 



期間限定即日起至 2018年3月31日
供應時間 : 8am - 11pm

宜家惠顧指定 Dustykid 嘅食品，仲可以優惠價換購 Dustykid紀念品：
+$25 任何兩款 Sailor Dusty 水松杯墊
+$68 Sailor Dusty 白瓷咖啡杯及任何一款水松杯墊

快d 嚟帶佢地返屋企啦. 

THE STORY CAFE
地址：青衣城117號鋪

~~~~~~~~

多謝大家收睇, 如果鍾意我嘅分享就快d follow 我啦, 下次見

歡迎邀約合作試用/試做 ~ 出席活動 ~ 聯絡 ~
msceliabeaute@gmail.com

Facebook : 西莉亞•美麗生活部落 MsCelia Life
Instagram :  MsCeliaBeaute

Facebook Fan Page 送禮中, 快 d 去我嘅專頁Like 同 Share 俾朋友知啦! 請多多支持喔!



☆☆☆☆☆☆☆
是次產品及資料由品牌提供
文章純粹以個人意見真心分享及用後應,  而效果則因人而異, 只供參考.
如需協助或希望獲得更多有關產品資訊, 請直接聯絡該品牌查詢。
如從而引起任何損失或法律糾紛，本人概不負責。
☆☆☆☆☆☆☆