銅鑼灣心の料理•心の美味 ～心之食堂 Love Cafe

銅鑼灣真係好多樓上食堂， 林林總總， 要食咩都會搵到， 今次搵嚟樓上用心做嘅日本料理。 就係銅鑼灣 Time Square後面嘅百樂中心， 行完街再上去食飯，而且係地下已經見到佢地嘅燈箱,  勁方便又易搵

 

上到去一出就已經見到靚靚嘅門面, 小店座位唔算多，但枱與枱之間幾闊落㗎。 簡單嘅裝潢， 牆上以小單車做裝飾， 有 d日本文青 feel.



服務員帶了我地坐低就遞上環保餐牌， 以水筆直接係餐牌上落單



叫咗杯特飲森之果汁特飲, 我想健康 d所以今次試吓飲蘋果醋, 但蘋果醋個人覺得比較淡d.



刺生就叫咗黑松露帆立貝串  & 三文魚串 , 叫之前已經諗緊同平時嘅刺生有咩分別啦， 原來係切到好似一粒骰仔咁， 厚厚的一口一口， 新鮮。



眼見呢個用紫菜包住帶子同鵝肝嘅邪惡包, 燒過嘅鵝肝用帶子包住， 一款濃味一款清淡配上新鮮沙律菜再用爽口紫菜包住食，口感出奇地好食， 果然無改錯名， 太邪惡啦！



心之推介一定要試試佢地嘅招牌”心之火焰鐵板牛柳粒” $88, 服務員即場點火， 好有氣勢。 半熟嘅牛柳粒經過火燒， 味道更加香噴噴， 已經牛味濃， 又鬆又腍。 仲有一件新鮮菠蘿， 好甜好多汁。



仲有外脆多汁嘅鹽燒雞翼 (4隻) $48, 老公至愛， 味道啱啱好。



一放低就見到心心造型飯嘅吉列牛柳粒飯$88, 不一樣嘅吉列牛柳跟出面嘅有 d 唔同， 薄薄嘅吉列皮包住 juicy嘅牛柳粒， 跟火焰牛柳粒一樣， 必食。



心之食堂 Love Cafe
地址: 銅鑼灣耀華街3號百樂中心12樓1203室 
電話 : 2321 1880

~~~~~~~~

多謝大家收睇, 如果鍾意我嘅分享就快d follow 我啦, 下次見
 
歡迎邀約合作試用/試做 ~ 出席活動 ~ 聯絡 ~
msceliabeaute@gmail.com
 
Facebook : 西莉亞•美麗生活部落 MsCelia Life
Instagram :  MsCeliaBeaute
 
Facebook Fan Page 送禮中, 快 d 去我嘅專頁Like 同 Share 俾朋友知啦! 請多多支持喔!



☆☆☆☆☆☆☆
以上純粹個人感受及分享, 並不代表該品牌之言論及立場
☆☆☆☆☆☆☆

有人氣又有霸氣嘅拉麵店 ~ 霸嗎拉麵 (將軍澳)

去將軍澳中心行過幾次， 經過呢間拉麵店都係好多人等位嘅， 但今次見條龍難得唔算太多人， 就決定今晚食拉麵



坐位都算多所以唔使等太耐就有位啦， 見餐牌主打有2款~日式叉燒同雞叉燒， 我比較鐘意濃味所以揀咗濃湯豬骨豚肉玉子拉麵， 老公就要醬燜雞叉燒味玉拉麵。

濃湯豬骨豚肉玉子拉麵， 湯底真係好濃， 豚肉肥而不膩， 原來係用低溫慢煮超過10小時， 唔怪得咁大件咁厚都可以咁腍啦 . 

相反醬燜雞叉燒味玉拉麵就比較清，雞叉燒又腍， 真係2個唔同嘅口感。 而且麵嘅質感都有得揀. 

另外仲食咗佢地嘅招牌羽根燒餃子(5隻) , 餡料豐富而且多汁, 外脆. 

沙拉唐揚炸雞 (5件) , 炸得啱啱好， 已經好飽啦， 睇嚟我地都算係食肉獸， 點解我地會叫咁多肉食㗎， 無法啦， 可能太肚餓喇! 

因為本身唔食辣, 所以無緣食佢地嘅最強惹味香辣拉麵, 如果食得辣嘅不仿一試. 

霸嗎拉麵 Bari-Uma

地址 : 將軍澳貿業路8號新都城中心二期1樓1070-71號舖 

電話 : 3580 7808

~~~~~~~~

多謝大家收睇, 如果鍾意我嘅分享就快d follow 我啦, 下次見

歡迎邀約合作試用/試做 ~ 出席活動 ~ 聯絡 ~
msceliabeaute@gmail.com

Facebook : 西莉亞•美麗生活部落 MsCelia Life
Instagram :  MsCeliaBeaute

Facebook Fan Page 送禮中, 快 d 去我嘅專頁Like 同 Share 俾朋友知啦! 請多多支持喔!


☆☆☆☆☆☆☆
以上純粹個人感受及分享, 並不代表該品牌之言論及立場
☆☆☆☆☆☆☆

傳統 💓 摩登 💓 新鮮 💓 六十年老字號 ~ 樹記腐竹

鐘意食腐竹嘅香港人一定認識”樹記腐竹”！
唔食腐竹嘅我都有聽過樹記呢個”老字號”！

好開心早前參加咗樹記腐竹嘅日式輕食烹飪班，　簡單又容易做又美味，　令我對腐竹有所改觀喔。　

 

已經擁有六十年嘅老字號樹記腐竹，由1942年孔樹先生一手創辦， 更開創以木糠作為製造腐竹的燃料，令過往因燃燒柴及禾稈而發出的異味消失。 今時今日樹記產品種類真係好多：　鮮枝竹、鮮腐皮、枝竹、扁竹、腐皮、炸枝竹、腐皮碎、素雞、素鵝、嚮鈴、麵根、生根等， 真係應有盡有。 

樹記第三代傳人Winnie 孔穎儀小姐 (即孔樹先生的孫女) 講解為承傳爺爺的家業而接手。　而且更研發一系列新穎的腐竹製品。　如腐竹雪糕、腐竹朱古力脆皮雪條、腐竹蛋糕、腐竹曲奇等等， 將傳統的腐竹研製成摩登新穎的食品，成功打入年輕新一代的市場。 

今年更推出咗兩款口味腐竹雪條 ~  腐竹朱古力脆皮雪條同腐竹抹茶脆皮雪條，當日有幸試了朱古力味， 無諗過朱古力同腐竹都可以咁夾， 而且朱古力味又冇搶走腐竹嘅豆味， 唔算好甜，  味道啱啱好， 仲要係由人手製作，每日限量150條咋。 

一直只知腐竹通常都係中菜呀、打邊爐呀、同白果腐竹糖水出現嘅。 估唔到日本菜都可以喎。  今次學到我都可以食到同整到嘅二款日式料理，當日由　HouseWife Cookingfun 為我地教授又美味又易學嘅《腐竹煙肉豆乳味噌汁 》& 《豆皮蛋卷》。 

《腐竹煙肉豆乳味噌湯》

材料：   煙肉片 (切小段) 60g ; 甘荀片 50g ;  南瓜片 50g;  菇菌 50g ;  鮮腐竹 (切粗絲) 40g;豆乳湯 800ml  (註下);  有機味噌 1.5湯匙

做法：

1.   準備一只鍋,,  用中火將煙肉片略煎至金黃,  放入甘筍片和南瓜片略炒. 

2.   轉小火,  加入豆乳湯再加入鮮腐竹和菇菌.  將有機味噌放入湯勺中, 然後放入湯內, 用筷子慢慢將味噌和湯汁融合, 最後放入湯內, 直至湯滾即可享用. （請確保必須拌勻，不要留有味噌粒）

豆乳湯做法：

材料：  樹記扁竹 大概 5-6片;  水 900ml-1000ml

1.   將水倒入煲內。扁竹壓碎，加入煲內。

2.   先開中火煲滾，然後轉小火慢慢熬30-45分鐘，至奶白色的豆乳湯。

《豆皮蛋卷》

材料： 蛋 3隻;  樹記鮮枝竹 2條

調味料： 冷麵汁 10g;  糖 10g;  鹽 少許 

做法：

1.   打雞蛋落碗，連同調味料攪拌，至糖完全溶化；

2.   鮮枝竹切小件。

3.   將玉子燒鍋塗上一層油後，開中小火，先倒入1/3蛋液，鋪上鮮枝竹，待蛋液開始半凝固時，即用筷子/鑊鏟由上往下捲起。

4.   捲好的蛋就往上推到最上方，再次塗上一層油於玉子燒鍋。

5.   重複以上步驟，(大約三層) 直至用畢全部蛋液。

6.   將蛋卷放落壽司竹卷定型。

 

成品睇落係未靚先，但可以話你知真係好好食，唔係賣花讚花香㗎。

第一次參加Cooking Class， 認識咗一班朋友又學到好多，正呀。

2016年樹記腐竹推出了新設計的零售包裝包裝，選用最靚嘅加拿大黃豆，產品存放期可長達180天，更成功進駐全港的Citysuper。 現時 Citysuper 有售枝竹、扁竹、豆卷、紫菜豆卷、腐竹雪糕。 而且 AEON黃埔及太古城康怡店都可以買到腐竹雪糕。 除此，於港九新界亦陸續加添合作經銷商，務求令支持者更方便購買到產品。  Winnie及她的團隊將會繼續研究及嘗試新的腐竹製品，令大眾對傳統的腐竹有更新鮮的體驗及認識。

 

樹記腐竹 ~ 全駿記貿易有限公司 Shukeeshop

地址: 大埔運頭街71B & C號地下

電話: 2386 7776

Web :  www.shukeeshop.com 
Facebook:  www.facebook.com/Shukeeshop/

~~~~~~~~

多謝大家收睇, 如果鍾意我嘅分享就快d follow 我啦, 下次見

歡迎邀約合作試用/試做 ~ 出席活動 ~ 聯絡 ~
msceliabeaute@gmail.com

☆☆☆☆☆☆☆

是次產品及資料由品牌提供, 文章純粹以個人意見真心分享及用後應,  而效果則因人而異, 只供參考.

如需協助或希望獲得更多有關產品資訊, 請直接聯絡該品牌查詢。 如從而引起任何損失或法律糾紛，本人概不負責。

☆☆☆☆☆☆☆

Facebook : 西莉亞•美麗生活部落 MsCelia Life
Instagram :  MsCeliaBeaute

Facebook Fan Page 送禮中, 快 d 去我嘅專頁Like 同 Share 俾朋友知啦!
請多多支持喔!