特式樓上餐廳去得多, 藝術畫家主題嘅今次係第一次, 印象中梵高係一位印象派藝術畫家. 老公同我慶祝結婚週年喎, 緊係搵間浪漫 d嘅餐廳食啦 (雖然佢一 d都唔浪漫) . 位於銅鑼灣同灣仔之間, 未到鵝頸橋嘅勝華樓2樓. 一上到去已經俾d紅磚裝飾吸引住.
入到去有張大大嘅桌球枱, 我老公都問我係未真係可以玩呢? 當然我地無玩到啦. 看看地方都幾大, 裝潢以歐陸色彩嘅紅色為主, 牆上當然有不少油畫啦, 仲播放住優雅意大利音樂, 舒適浪漫, 有如去咗歐洲 d 歷史悠久嘅餐廳食飯咁.
好想食蠔， 所以先嚟叫咗個挪威雪蟹脚海鮮拼盤 (2人份量) 有挪威雪蟹腳， 加拿大翡翠螺 , 法國藍青口， 太平洋虎蝦同爽口嘅生蠔， 份量都幾多㗎。
之後叫咗一個 dinner set同老公 share. 先嚟個前菜， 係意式蛋卷 配沙律菜， 蛋卷好滑， 味道啱啱好。
跟住係餐湯 - 法式洋蔥湯， 洋蔥味真係好濃但個湯底好清甜， 鐘意洋蔥嘅呢個湯一定大愛。 仲有個軟淋淋嘅麵包跟。
主菜我都叫咗地中海式火焰牛柳串燒配牛肉燒汁 伴蒜蓉香草醬薯角。 服務員用鐵盤帶出2串牛柳串燒， 再以火槍加熱後上碟。 好有氣勢， 但速度太快喇， 影唔切相㖭。 由蘑菇同三色椒交集住大大件嘅牛柳粒， 都幾大舊㗎。 牛柳粒本身牛味好濃， 所以調味唔多， 沾上燒汁簡單美味， 個人就比較覺得牛柳粒有點熟而令到有d 靭。 不得不讚個蒜蓉香草醬薯角外脆內香， 香草醬調得好好， 配合薯角真係好好味。
另外我地再叫咗個磨菇風乾火腿8吋 Pizza, 薄餅底好脆， 磨菇同火腿好夾好香。
飲品我地就將餐飲轉了西岸風情特飲， 另外我叫了絕妙尤物特飲。 其實係西柚同水蜜桃 + Yogurt仲有粒粒 Jelly. 調配得啱啱好， 好飲。
最後就係跟餐嘅甜品 ~ 朱古力mousse. creamy 又唔算太甜, 又愛係朱古力味.
佢地仲有包場服務, 開 party 又一個好選擇.
凡高廚房 Van Gogh Kitchen
地址: 銅鑼灣軒尼詩道451-457號勝華樓2樓B室
電話 : 3528 1333
~~~~~~~~
多謝大家收睇, 如果鍾意我嘅分享就快d follow 我啦, 下次見
歡迎邀約合作試用/試做 ~ 出席活動 ~ 聯絡 ~
msceliabeaute@gmail.com
Facebook : 西莉亞•美麗生活部落 MsCelia Life
Instagram : MsCeliaBeaute
Facebook Fan Page 送禮中, 快 d 去我嘅專頁Like 同 Share 俾朋友知啦! 請多多支持喔!
☆☆☆☆☆☆☆
以上純粹個人感受及分享, 並不代表該品牌之言論及立場
☆☆☆☆☆☆☆
沒有留言:
張貼留言